Drei Ehrengesellschaften Kleinbasels

Verdanggig

HOCHGEACHTETE HEER VORSITZENDE MAISCHTER
HOCHGEACHTETI HEERE MAISCHTER UND ALTMAISCHTER
SEEHR GEEHRTI FRAU BUNDESROOT
SEEHR VEREEHRTI EEHREGESCHT UND PAERSEENLIGI GESCHT
VEREEHRTI HEERE STATTHALTER UND ALTSTATTHALTER
GSCHETZTI HEERE VOORGSETZTI UND ALTVOORGSETZTI
UND VOOR ALLEM…LIEBI GSELLSCHAFTSBRIEDER
VO DE DREI EEHREGSELLSCHAFTE VOM GLAIBASEL

„WENN'S GRYFFEMÄHLI NEECHER KUNNT,
JUGGT’S MI AN ALLE EGGE,
UND ISCH ES DO, SO MUES I HALT
DERBY SY UM’S VEREGGE!“

WIE DER BALDI B. IM VÄÄRS
SAAGE MIR VOOR JOOHR: DAAS WÄÄRs
ALS HEEHEPUNGGT UFF ÄÄRDE,
GSELLSCHAFTBRUEDER Z'WÄÄRDE!

DOCH SOO N’ E VOORGANG BRUUCHT SY ZYTT,
MIT E "HÍTTIG" DATUM ISCH'S SO WYTT!
MER GNIEβES UND MER FINDES SCHEEN,
ASS MIR DOO UFF DER BIIHNI STEEHN.

JOOHRGANGMÄSSIG SEEHR BRAIT GFÄCHERET,
HÄNN UUS EM MAISCHTERBÄCHER BÄCHERET,
UND DAAS HETT YS GFALLE…
HOFFE, MER MIECHE NO E FALLE
UND SCHWEERE SOO VOOR ALLE
BIM DÄNNLI UND DE GRYFFEGRALLE:
UFF UNS KAA ME BAUE
UND DANGGE FIR’s VERTRAUE.

DANIEL, PETER, URS
HALTE AB JETZT DER GRYFFE-KURS;
ROLF R(a)EBER, FABIAN ZIMMERMAA
GHEERE NEY IM RAEBHUUS AA;
UND BI DER HÄÄRE
WÄÄRE:
DREIMOOL ROLAND, PETER, BOLLE,
WO IM WILD MAA RESCHPÄGGT DIEN ZOLLE,
DER DANIEL ALS NUMMERE ELF
UND DER KARIM - ZWELF
SIMMER UND S’ISCH FIR UNS SEEHR
E GROOSSI  EEHR…!

LIEBI BRIEDER, GSCHETZTI GESCHT,
MER WINTSCHE ALLE E LANG FESCHT
NO GMIETLIG-SCHEENI GRYFFESTUND
FIR ALLI UND
„E RUNDI SACH“ UUS GUETEM GRUND,
DENN: „NUR DER VOGEL GRYFF BLYBT GSUND!“

Peter Ernst, Härenbruder